قصيدة بكتبلك
بكتبلك..
بكتبلك ومش اخر مره هكتبلك
بكتبلك بعيون عاشقه
ما شافت النوم ولا يوم
بكتبلك بقلب حبك ولا شاف منك غير خذلان
كاتمه ف سري وجعي ودموعي ليلاتي ع خدي
بشوفك ف كل الناس وصوتك ف كل مكان
و اشوفك ملك لغيري وقلبي م الوجع بهتان
بشوف ضحكتك بضحك م بعيد لبعيد
وبسمع كل قريب منك ويوماتي شوقي ليك بيزيد
صرخت بأعلى صوت جوايا وقولت
يارب نسيني
نسيني حبي ليه وشيله من قلبي
يارب قويني
قويني على نسيانه
مالك قلبي وواخده ليه
طال انتظاره وبعد لياليه
براقبه يوماتي من بعيد لبعيد
وشوقي كل مدى يزيد
مش شايفه غيره ليه ولكنه شاف غيري
مالك حياته و واهبها ليها
وأنا عايشه حياتي على أمل رجوعه
بفكر فيه يوماتي ولا يوم يغيب عن بالي
قلبي بيرفرف مجرد ما ارسم صورته ف خيالي
بسأل نفسي كل يوم
ليه يقلبي مصر ع وجعي ؟
ليه مش شايف غيره ضلي!
ملقيتش غير جواب واحد هو الوحيد اللي شبهي وياريته فضلي
ف سمايا بشوفك لما تضيق بيا أحوالي
عايش حياتك مع غيري ولا قلبك بيا داري
اه لو شوفت حبك ف قلبي ي ابن ادم و شوفت نفسك بعيوني وبخيالي
بحبك ...
بحبك ومش قادرة أنساك ولا يوم هتغيب عن بالي واهبه حياتي و روحي فداه
بتمني اكمل حياتي معاه
بدعي ف كل صلاتي و أقول عايزاه
بتمني اشوفه فه وبحلم بيوم لقاه
ونا ع وعدي ومش قادرة أكمل حياتي من غيرك
صدقني مبنامش غير وصورتك ف حضني
ويوم م تيجي سيرتك بقول بيوحشني
بقلم/ زهراء عمر "ورد "
تعليقات
إرسال تعليق