حوار صحفي مع الميكاب ارتست سهيلة وليد. 

الإسم: سهيلة وليد صالح 

السن: 17سنه

المهنة: طالبه فى الثانويه 

الموهبة: ميكاب ارتست 

المحافظة: الدقهليه 

إنجازاتك: من انجازاتى، اشتغلت فى حاجه بحبها فى سن صغير جدا وبداءت شغلى من وانا فى الاعدادى وهى بدأت صدفه انى كنت بحوش وقولت لامى انى هجيب ميكاب اشتغل بيه بس ده على سبيل ان اجيب ميكاب بس مش نية الشغل واحده واحده بدأت اعمل و أصور والناس تعجب بيه وجالى شغل بعدها قولت اكيد مش هرفض انا هجرب وحقيقى كانت احلى تجربه و البنوته اللي عملتلها اعجبت بالمياكب ودى كانت البدايه. 

نفسك تكوني إيه في المستقبل: نفسى اكون دكتوره تجميل وافضل مستمره فى شغلى 

إتعاملتِ إزاى مع السلبيات: كنت بيائس كتير جدا بس لما بشوف اللي حواليا دايما مشجعني وان انا نفسى من كتر حبى فى شغلى كنت برجع تانى اشتغل وكنت افتكر قد اي اللي كنت اعمله بيعجب البنات وافرح وارجع شغفى واى حاجه وحشه بتعدى 

إزاى إكتشفتِ موهبتك: من صغرى كنت بحب الميكاب وبحب اعرف عنه كل حاجه وكنت بجيب ميكاب كتير واعمل على نفسى واحده واحده بقيت بعمل ميكاب اى حد يشوفه يتفاجيء من جماله وكله بداء يشجعنى 

بدأتِ تنمي موهبتك من إمتى: من الاعدادى تقريبا بدأت اتعلم اكتر واركز فى شغلى اكتر 

مين دعمك: اول حاجه اهلى وصحابى اللي ديما مشجعنى (شروق. سحر) 

مين مثلك الأعلى في المجال دا:الميكاب ارتست اسماء عادل وكثير من الميكاب ارتست. 

شاركتِ في مسابقة في مجالك:لا لكن ممكن فى المستقبل 

إيه اللي إستفدتيه من الموهبة دي: استفدت انى بقيت اجتماعيه جدا وعندى صحاب كتيره و بقا عندى ثقة فى نفسي اكتر وبقيت مستقلة بنفسى شويه 

إيه رسالتك لأي مبتدأ: اى حد فى بدايه مشواره بيقع لكن اللي بيكمل اللي بيفضل ماسك فى حلمه 

المحررة: 

شروق حمام