مبقتش توحشني
للشاعرة: زهراء عمر
خليني اقولك شئ مهم "
مبقتش توحشني"
مبقتش أجيب صورك
و اسرح فيها بالساعات.
كل اللي كان بينا
اعتبرته ماضي ومات.
حكاوي الليل,اغاني الست
,وكلامنا والسهر .
حاجات كده مبقتش تهمني .
حتي كلامك المعسول .
وأن حياتنا هتبقي وردي.
وإن العالم كله لو بقي ضدي
انت هتفضل معايا وجامبي.
راح فين كلامك؟
فين الوعود و الاحلام ؟
وهم رسمته ف خيالك وصدقته.
جيتلي سفينه غرقانه.
كنت ليك شراع وحلم حققته.
وكافأتني بأيه؟
سيبتني لوحدي.
قولت إني مشبهلكش .
رغم أني في الأول
كنت الوحيده اللي شبهك.
كل الحلو اللي كان بينا نسيته.
يشهد قلبي أنه محبش غيرك.
يشهد كلامي وصدقي لتفسيرك.
وخلاص.
خلاص ملاني يقين
أن قلبك مدقش ليا.
وكل اللي كنت فيه
كان كدب وسواد و اسيه.
علشان كده .
بتعافي من حبك ونجحت والله.
ومبقتش توحشني.
,ومبقتش احن لليالي زمان.
كل اللي عدي معاك من حياتي.
ورقه و طارت من كتاب تلفان.
ل/ زهراء_عمر "وردة"
"جريدة حياة"
تعليقات
إرسال تعليق