مبقتش بشوفك تنفعلي
للشاعرة: ندى السيد أبوحجاب
مبقتش بشوفك تنفعلي
مبقتش بآمن وأنا وياك
مبقتش بشوف إنك سعدي
ولا حتى بحس براحة معاك
خلاص أنا هبعد صـدقني
وهكون سعيدة وأنا سيباك
مش هسمح لوجودك يكسرني
ولا هسمح يمحي وجودي هواك
وخلاص بطلت أستناك
خلاص مبقتش تفرق
ومن ورا ضهري وأنا رمياك
كلامك ليا كان عبارة عن سم في دمي
ولا مرة في حياتي لقيتك شايل همي
طفح الكيل معاك واستنزفت طاقتي
عمرك ماحسيت بألامي
مشوفتش منك غير قسوة
وكلام يوجع يجيب أجلي
خليك بعيد ومتقربش من تاني
كنت بالنسبة ليا عمري
بس ليك أنا كنت فترة
عشقتك واديتك من عمري
كان لازم أمشي من بدري
بس قولت هيفوق لحاله ويقدرني
بس مكنش في فايدة وراحت طاقتي
أنا همشي ومفيش رجعوع من تاني
وهسيبك تعيش في ضياع
وأنا أفتح صفحة جديدة من تاني
وهعيش حياتي وهرجع لحالي
بعدك أو قربك مبقاش يفرقلي
ومش هسيب وجودك يكسرني
ولا حتى فراقك يعنيلي
ولا ذكراك يوم هتغنيلي
ولا كلامك اللي كنت بسمعه
وتقولي ميلي عليا كمان ميلي
هعيش حياتي وهقدر أبني مستقبلي بأيدي
فاكرني هاجي أقولك إرجع نبقى تاني مع بعض
لا يا بيه أوعى تاخد مقلب
أنا عمري ما هقولك إرجع
أنا بقيت أقوى من غيرك
أينعم راحت طاقتي
بس أنا هقوى أكتر وأكتر
مبقاش شيء مهم في وجودك
وإن اتكاترت عليا الأحزان
ببعادك أنا هفرح بيها إن جات دلوقتي ولا بعدين
فمن البداية هنتفارق
أنا همشي ومليش رجوع تاني
وهسيبك تعيش في ضياع
وأسيبك أنت لأوجاع الحياة
وتمشي تدور عليا في كل خلق الله وبالله مش هتلاقيني.
الشاعرة ندي السيد أبوحجاب
"جريدة حياة"
تعليقات
إرسال تعليق