نور في نهاية نفق مظلم | "جريدة حياة"

إسكريبت من تأليف الكاتبة:

شروق حمام

-_ جايلك عريس يتقدم انهارده 

_ عريس اي يا بابا 

_ هو هيتقدم بس هنشوف لو عايزة وافقي لو لا خلاص 

_ ماشي 

بدأ يمر الوقت وجه معاد وصول العريس، دخلت أوضي بدأت أجهزبعد ما لبست وجهزت كان هو وصل.

جه هو ومامته وابوه واخته كنت بتفرج عليه من ورا الستاره 

_ اي يا ايمان خدي يالا الصانيه وخشي 

_ اخش فين لا

_ هو اي اللي لا احنا بنهزر،يلا

_ حاضر 

اخد الصانيه دخلت قدمت الحاجه و انا وشي فى الأرض وقعد جمب بابا 

جوز اختي قال: يلا نخرج ونسيبهم قاعدين مع بعض 

كله خرج وانا هو قاعدين لوحدنا لقيت كدا صوت خارج من حد قاعد قدامي 

_ إي رأيك فيا 

بصيتله بكسوف و قولت: حلو......انت عرفتني منين؟

_ كنت بشوفك راكبه ورا باباكي على طول 

_ اه تمام 

_ طيب انا هقوم بقا عايزة حاجه 

بصيت على الأرض و قولت: سلمتك

قام واخد مامته واخواته و مشوا وطبعا كلهم مسكوني 

اختي قالت

_اي يا ايمان 

_والله انا استريحتيله 

_ يعني على خيرت الله

_ لا لما نشوف بابا رأيه إي 

بابا جه 

اختي قالتله:اي يا بابا موافق

_ انا قولتيلهم اننا محتاجين شهر نفكر

اختي

_ شهر يا بابا 

_ اه شهر احنا مش مستعجلين 

طبعا مكنش ليا اي رد فى الموقف دا انا كمان مش مستعجله يعني..

مر حوالي أسبوعين بابا جه من برا قالي 

_ انت موافقه 

_ اللي تشوفه يا بابا 

_ اخته جت و بيقولو لو موافقين نقرا فاتحه 

_ اللي حضرتك تشوفه يا بابا 

تاني يوم بابا جه و قال ان يوم الجمعه الجاية خلاص هنقرا الفاتحه 

طبعا مكنتش متوقعه ان الموضوع يمشي اصلا لكنه مشي 

جه يوم قراية الفاتحه 

قرينا الفاتحه وقعدنا مع بعض 

_على فكره انا بلبس بناطيل 

_ مش مشكلة بس المهم يكون مش ملفت،  ممكن اخد رقمك بقا

_ اه اكيد 

_ انا مبسوط جدا اننا قرينا الفاتحه 

ابتسمت بكسوف 

_ على فكرة انا عارفك من زمان و زي ما قولتيلك المره اللي فاتت 

_ اه انا شوفتك كام مره برده و انا مع بابا 

_ ايوة كنت بشوفك مع والدك على طول

_ اه 

اليوم خلص ورواح و رن عليا و فضلنا نكلم فى التلفون لوقت طويل جدا مر أيام و جه فى يوم رن عليا وقال

_ ايمان عايز اقولك حاجه 

_فى اي يا احمد قول 

_ اممم بوصي 

_ فى اي 

_ البسي انا قولت لباباكي و هاجي اخدك نجيب الشبكه 

_ ايييي بجد دا انا قولت فى حاجه 

_ هلبس و اجيب ماما و نتقابل تحت البيت 

_ ماشي 

قفلت مع احمد و كلمت اختي قولتيلها تيجي عشان نروح نجيب الشبكه 

و بالفعل روحنا جبنا الشبكه و قد اي الموضوع حلو و انت بتنقي دبلتك وشبكتك مع شخص كويس و مرتحاله،  يومها بعد ما جبنا الشبكه اتمشينا مع بعض وفضلنا نضحك ونهزر 

وخلاص  اتفقنا ان اخر الأسبوع الخطوبه.. 

فى الأسبوع دا مكناش بنبطل كلام و كنت ببقا حاسه اني عايزة اشوفه كل خمس دقايق كان بيجي يعدي من تحت البيت وانا واقفه فى البلكونه بتفرج علية. 

كان اجمل أيامي 

الأسبوع خلص انهارده خطوبتي اخيرا الاسبوع مر وكأنه سنه ولكنه كان ألطف اسبوع فى الايام

لبست الفستان حطيت ميكاب عملنا الخطوبه تحت البيت فى الشارع اتصورنا وروحنا خطوبتي 

اه ايوه خطوبتي كان أحلي خطوبة حضرتها في حياتي 

مش هقولك على كمية الرقص و الضحك اللي كانت فيها اكيد كلكم متخيلين الموقف. 

و لما أحمد كان هيقع من على الكرسي و انا مسكته عشان ميقعش طبعا من فرحتنا مكناش مصدقين الموقف 

اتخطبنا 4 سنين اكيد مش هحكي الاربع سنين كلهم لكنهم كانوا اجمل اربع سنين فى حياتي. 

كنا بنخرج كتير جدا و نخرج نتمشي على البحر وناكل ايس كريم فى عز البرد وكلامنا اللي مش بيخلص ولا المفجأت بقا. 

كان كل ما يجيلي البيت يجبلي بوكس كبير ماليان هدوم ودباديب ما انا برده بنته الأوله يا جدعان في إي.! 

الأربع سنين مروا و كأنهم يومين. 

كنا فى رمضان وخرجنا انا واحمد نتمشي شويه 

_ ايمان 

_ نعم 

_ احنا خلاص هنحدد الفرح 

_ انت بتقول اي بجد

_ اه والله بجد 

_ اخيرا 

_ اه اخيرا، تاني يوم العيد هجيب بابا و نيجي نحدده مع باباكي 

بصيتله وضحكت وقلت  تنوروا 

جه تاني يوم العيد 

 بابا نازل يعيد على اخواتى قولتيله: بابا متنزلش 

_ هعيد على اخواتك و جاي 

_ يا بابا احمد جاي و باباه الوقتي 

_ هجي قبل ما يجوا 

بابا نزل من هنا و هما جم من هنا قعدوا شويه بابا اتأخر فقالوا خلاص هنيجي بعد العشا تاني 

الوقت بيععدي هه العشا اذنت بعد شويه جم اخير و حددنا الفرح 2/9

الفرش ٢٦/8 

والحنة١/٩

خلاص يا جدعان فرحي بعد شهر وحددنا برده كتب الكتاب يوم الفرح 

عدا الأيام والفرش طلع وفرحي خلاص كمان يومين، مكنتش بعرف انام من كتر ما انا كنت مبسوطه، نقيت فستان فرحي، وهو طبعا خرج نقا بدلته.

اليوم الموعود جه اخيرا 

الميكاب ارتست كانت عندي فى البيت خلصت ميكاب ولبست فستاني وشهاده من كل اللي حواليا اني كنت اجمد عروسه يومها والله..

جه اخدني من ايد بابا ونزلنا فرحنا خرجت من بيت بابا لبيت جوزي...

فرحي كان أحلي من خطوبتي واجمد فرح حضرته فى حياتي برده والفرح خلص وكتبنا الكتاب 

وتم عقد القرانين.

وبقينا مع بعض فى بيت واحد يومها قالي 

_ يديمك نعمه فى حياتي 

_ يدبمك كل حاجه فى حياتي.

" لقد رأيتك نور فى نهاية نفق مظلم "