قصيدة فيه شخص مابين الجميع إختارته
للشاعرة: ندى السيد أبوحجاب
في شخص ما بين الجميع اختارته
شخص جميل بقلبه
قبل كلامه وشكله
يااه على تفاصيله وجمال عيونه وملامحه
حقيقي بجد بحبه
يااه لو ابقى ليه نصيبه وبخته
ويخف وجع قلبي معاه
وساعتها هقوله إنه يكون فاهم
إني هسيب بيت أهلي وهسكن قلبه مش بيته فيحافظ عليا
ويكون فاهم إني زي ما هكون ليه الأم والأخت والزوجة والإبنة
يكون هو كمان الأب والأخ والزوج والسند
أنا أول ما عرفته حسيت إني ملكت الدنيا بضحكته الحلوة
اللي بتنور الكون كله
وعايزه أقوله..
إني مش حابه أضيع منه في زحمة يومه
بخاف عليه وبخاف ينساني لحظة
وده مش عشان أنا بحبه وبس
لا ده عشان بلاقي نفسي لما بيكون موجود معايا
فكرة إنه بيحبني دي بالنسبالي مصدر ثقتي في نفسي وكبريائي اللي جوايا
لما يكون حد جايب ف سيرته بضحك تلقائي
ولما بشوفه بيضحك في صورة بيبقى القلب بيرفرف
ياريت يعرف
إني بحكي عنه لصحابي ولأهلي وجيراني بحكي عنه لكل البشر
وإنه بينور حياتي
زي الليل لما بينورله القمر
أيوه صحيح إني مش بعرف
أعبر أو أوصف إحساسي بالشعر
بس حبيت إني أكتب فيه قصيدة العمر
وتكون أول تجربة ليا تكون ليه هو لأني بستقوى بيه
وعايشه بيه..
ندى السيد أبوحجاب
"جريدة حياة"
تعليقات
إرسال تعليق