*لا أحد هو انت، هذه هي قوتك*
*"No one is you, this is your power"*

يعنى إيه الكلام ده؟

.بص يا سيدي في الفترة الأخيرة انتشر مصطلح *إكتشاف الذات* وانتشرت عنه دورات وجلسات حوارية كتير

.احنا في البوست ده هنحاول نوضح لك كل حاجة بس كمل للآخر

في البداية خليني أسألك، انت حاسس إنك عايش حياة مش بتعبر عنك؟

حاسس إنك مش سعيد باللي انت بتعمله، باللي وصلت ليه؟

بتحتار في أبسط القرارات في حياتك، قلقان على مستقبلك؟

يا ترى عارف انت عايز إيه أو إيه اللي انت عايز تعمله، تحققه، توصله؟

تعرف تتكلم عن نفسك، عن أهدافك؟

لو صعب عليك تجاوب عن الأسئلة دي يبقى انت محتاج تكتشف ذاتك، البوست ده عشانك

-يعنى إيه اكتشاف الذات أو "Self _ Knowledge"

=باختصار مصطلح إكتشاف الذات يستخدم غالباً فى علم النفس وأحياناً في الفلسفة لوصف المعلومات التي يمتلكها الشخص عن نفسه عند إيجاد جواب للسؤال )ما هي شخصيتي الحقيقية؟ )

-طيب إزاي أكتشف ذاتي؟

= ممكن نمشي مع بعض على خطوات معينة زي

.١/ إننا نعرف ونفهم كويس مميزاتنا، عيوبنا إيه

.٢/نحدد لنفسنا نقاط القوة والضعف

.٣/نعرف رسالتنا في الحياة

.٤/نفهم مشاعرنا كويس ونحدد احنا محتاجين إيه

.أغلب الفلاسفة اتكلموا عن تطوير الذات منهم

*جين جودال: "ما تفعله يحدث فرقا، عليك أن تعرف ماهو الاختلاف الذي تريد إحداثه"*

.*اوبرا وينفري: "لا يمكننا أن نصبح ما نحتاجه بالبقاء على مانحن عليه"*

وعشان نعرف اكتر عن اكتشاف الذات ممكن نرشح بعض الكتب اللى ممكن تساعدنا، زي

-كتاب "الثقة والاعتزاز بالنفس" ل د.ابراهيم الفقي

-كتاب "تأثير" ل روبرت سالديني

-كتاب "تفكير سريع، بطئ" ل د.دانيال كانمان

التطوير واكتشاف الذات أساس الوصول إلى الأهداف عشان كده لازم نكتشف ذاتنا زي ما أمرنا الله سبحانه وتعالى فى قوله "وَفِي أَنفُسِكُمْ أَفَلَا تُبْصِرُونَ" صدق الله العظيم 

لو وصلت لهنا يا ترى هتعرف تجاوب على الأسئلة اللي فى أول البوست؟!

كتابة / الشيماء عبدالنبي

تصميم / تقى محمد

#اصنع_لك_إرادة_نصنع_لك_الخطة

#Almomtaz_Educational_Marketing #الممتاز_للتسويق_التعليمي