الأستاذة نرمين حمودة مُعلمة المواد الفلسفية للمرحلة الثانوية.
الاسم: أ/ نرمين حمودة
المهنة: أستاذة مواد فلسفية للمرحلة الثانوية
السيرة الشخصية:
كنت طالبة اسعى دائما، لتحقيق هدفي و كنت اتمني مُنذ الصغر ان اصبح طبيبة متخصصة في علاج الأطفال.
دخلت ثانوي و كل المدرسين بيحفزوني على هدفي ما عدا مدرس واحد كان شايف فيا حاجه تانيه و مصمم عليه بالرغم من اني مكنتش عايزه كدا في بداية الامر
هو استاذي الفاضل رحمة الله عليه مدرس مادة الفلسفة كان دائما يقولي لازم تدخلي انت شاطرة فيها و دماغك كويسة فيها طبعا انا كان في دماغي هدف واحد بس.
و بعد النتيجة معرفتش ادخل طب و كل المجالات التانية ملقتش نفسي فيها، بس ساعتها افتكرت كلام استاذي و قدمت في الكلية و في اول يوم ليا لقيت الاستاذ منتظرني في الطريق اللي اللي بمشي منه
وقفني و قال لي: دخلتي اللي قولتلك عليه
مكنتش عارفة ارد اقول اي و بكل خجل قولت اه
قالي اطمنت عليكي و مشا و سابني و هو فخور اني سمعت كلامه.
فاحيانا يرى بك الأخرون ما لا تره انت.
اتمنى من الله ان يسعى كل طالب لتحقيق حلمه و ان يكون لديه هدف يناسب قدراته لان كثير ما يخطئ الطالب انه يضع هدف اكبر من قدراته لمجرد ارضاء الناس و لعدم النظر له بنظرة مقززة
اتمنى ان يكون هناك توجيه لطلاب و اكتشاف مواهبهم و توجيههم لصواب لان الطلاب للاسف يضيعون بين كثرة المواد و لم يعد وراءهم احلام فالطالب المميز من يضع خطة ليقوم باجتيازها بنجاح.
رسالتي لكل طالب حقيقي
كتير من الطلاب بيكره ماده معينه لمجرد انه حاول مره و اتقفل منها زي ما بتقولوا و لكن لازم نحاول كتير و نسعى وراها لحد م نفهمها.
كتير من الطلاب كانت مفكرة مادة الفلسفة مش بتتفهم و عايزة حفظ و ده اكبر خطأ
مفيش مادة عايزة حفظ بس
و للأسف اللي بيقولك احفظها كده ده معنتوش قدرة على الفهم ياريت نعرف من كال مدرس دي نذاكرها ازاي، عشان اقدر احصل على المعلومات و اكون متوجه لطريق صحيح❤️
محررة:
شروق حمام
اشطر مس بجد ❤️
ردحذفبجد انتي احلي مس فلسفه ويا رب تحقيقي كل احلام وتوصلي لي انتي عايزاه من غير صعوبات ♡♡♥♥
ردحذف