- على الولد إللي الواقف هناك ده.
"شاورت على عمارة جنبنا على بعد كام متر"
- دي مصاحة نفسية يا ورد!
- أي المشكلة؟
- ناس مجانين! مش كفاية الجنان الِبنشوفه؟
- أنا بس شدني شكل العمارة.
- كويس ركزي في الشغل بقا، وسيبك منه.
"الشغل ده شيء ممل جدًا، بس الواحد محتاجه علشان يكمل بيقت الشهر، فوقت من سرحاني على واحد بيشورلي من العمارة وبيعمل حركات غريبة، لحد أما أتأكد إن دي مصحة"
- شكلها هتمطر النهاردة.
- اه، هيكون الجو حلو أوي.
- تيجي آيس كريم؟
- أجي آيس كريم، على حسابك؟
- على حسابي يا فقيرة.
- هو العالم ناقص مجانين؟
- العالم كله مجنون يا ورد، سرعة الأيام جنان، الحب والخذلان جنان..
"قاطع كلامنا صوت أول نقطة من المطر"
- جو لطيف.
- شكلك عايزة حاجة؟
- عايزة أزور المجنون.
- مش هقولك لإيه، لأنك هتردي عليا برد يقنع أو لأ بس هتخليني أوافق.
- حبيبي يلا.
"تاني يوم كنت واقفة قدام المصحة بورد مش عارفة أتطلع ولا أرجع ولا أعمل أيه"
- هو ممكن ياكله؟
"ضحك الدكتور وقال"
- ده أعقل مريض عندنا هنا في المصحة، شوفته بقالي تلت سنين هنا ومش عايز يخرج.. ده غير إن الأوضة بتاعته تقريبًا كلها كُتب.. هو هادي وده يمكن شيء يخوف، تعالي وصلنا.
- أزيك؟ أنا ورد، أنا الِكانت وافقة في البلكونة الِهناك دي.
"فضل يجي عشر دقايق بيبصلي من غير كلام"
- أتفضل الورد ليك، قالوا أنك بتحب الكُتب، ممكن المرة الجاية أجبلك، بتحب كتاب معين؟
"كان ساكت لدرجة إني شكيت أنه صم، ممكن يبصلي لثواني وبعدها يرجع يبص للاشيء!"
- تفتكر أنهي ورد أحلا؟ الأحمر ولا الأصفر؟
" كنت عارفة أنه مش هيرد بس كان عندي أمل، كنت حابة أتكلم وخلاص، وسط نقط المطر بتنزل مسك أيدي وخدني عند الشباك وفضل ساكت"
______________________________
"كنت كل يوم أروح أشوفه ويفضل ساكت"
- خد الكتاب ده، قولت اجبهولك قرأته قبل كده؟.. ينفع ترد؟
"خد الكتاب وراح ناحية مكتبة كُتب كبيرة وجابلي كتاب كويس أنه بدأ يتحرك"
- طب همشي وهاجي بكرة، سلام.
"بقالي أسبوع مكنتش بروحله وقاصدة ده، بحس شكلي وحِش لما أروح أتكلم ساعة وهو ساكت، ساكت آه بس بحس براحة لما أتكلم، إحساس جميل إن تلاقي حد تتكلم معاه وتطلع كل الِفي قلبك حتى لو كان مش بيرد! عايزة حد يرد عليا وميسبنيش لتوهان دماغي ده، قاطع كلامي صوت الرعد، اتحركت ناحية الشباك وباين إن الجو هيقلب جامد النهاردة ومش هعرف أروح، كفاية أسبوع عليه هروح أشوفه"
- أزيك يا عمر؟ معلش معرفتش اجي الفترة الآخيرة بسبب الشغل، الجو النهاردة يخوف، أنتَ عامل أيه؟
- الحمد لله.
"كان صوته حلو وهادي"
- عيونك حلوة، هو ينفع تتكلم تاني؟
- اسمك ورد؟
- آه ورد، لي بتسكت؟
- الكلام محتاج مجهود ومحتاج حد يفهمك؛ من غير ما توضح أي حاجة، وصعب إن الواحد يلاقي الحد ده.
- طب ليه هنا؟
- برتاح هنا.
- طب ليه؟
- أحنا مش مجانين يا ورد أحنا ناس المجتمع رفضها، بسبب اعتقادات إننا مجانين، المرض النفسي زي أي مرض، زي مرض السكر والضغط والقلب، مش مرض عقلي قد ما هو نفسي، أحنا ناس مأذية أتجمعنا كُلنا هنا يا ورد.
- ليه رديت المرة دي؟
- لأنك وحشتيني.
- طب أنا همشي الجو بقا حلو.
- ردي عليا.
- مكسوفة أرد.
"أو مرة يتكلم معايا وأشوفه مبتسم! ضحكته حلوة، راح جابلي كتاب ومشيت"
- عامل أيه النهاردة؟
- الحمد لله، تعالي أوريكِ حاجة.
- معنديش مانع.
" لفينا المصحة وراني صحابه، ناس لُطاف مش مخدعين زي البشر إللي بره، ناس حبه نفسها بعيوبها، ناس صريحة"
- شايفك مبسوطة.
- حاسة بالراحة.
- أهم حاجة تكوني مبسوطة، بالمناسبة الورد الأحمر أحلا، بس ده ميمنعش إن التاني حلو برضه.
- طب أنا ولا هو؟
- أنتِ.
"بيفكرني بشاعر لما قال: أنا بحب أقول شعر في الحِلوين، والحلو أقوله يا حلو في عيونه"
______________________________
"يوم ورا يوم وأنا بروح مبفوتش يوم لأجل عيونه"
- تيجي ننزل نتمشى؟
- تعالي.
- رايح فين يا عمر؟
- نازل مع ورد.
- ورد مين يا عمر!
- ورد، جنبي أهي.
- مفيش حد اسمه ورد.
- أزاي دي كانت بتيجي كل يوم.
- تعالىٰ يا عمر، مش أنتَ عايز تنزل؟
- أيوه، بس مع ورد.
- طب مينفعش معاك سلسبيل؟
" أصدقت أنه يوجد ورد؟ وأنا أتلاعب بمُخيلتك لتصدق وجودِها، صدقت لاحتياجك لشخصٍ في حياتك لتخبره فلسفتك فيها، أو شخصٍ لا يمل! صدقت لاحتياجك لشخصٍ في تلك الحياة"
تمت.
*ريتـاج السـيـد سُـلـيـمـان "إيـلاف"*
تعليقات
إرسال تعليق