لحد دلوقتي انا لسا فاكر كل شيء
فاكر مين اللي باعني ، وفاكر مين وجعني
ومين في يوم ظلمني ، وذكراه لسا على البال
لسه فاكر سعيي لحلمي ، وقد إي البخت مال
فاكر كام مره فشلت ، وكام مره القلب شال
وشايل همي ووجعي من بكره ...
ولسا قلبي بيعيش على الذكره
أنا أبويا قالي في يوم ...
حب وصدق نفسك وشوف مين حواليك
شوف كام واحد حقق حلمه
وكام واحد صبر وأهو طااال
ومتفكرش في بكره علشان بكره ده في علم الغيب
ومتبصش مره علي حزنك علشان ده أخره عذاب
يعني انت يابا تضمنلي أعيش وأحلم حلم ميسبنيش
ولا أتعلق بحد فيبعد بعدها وميجيش
الحمل المرادي يابا كبير جداً وميسعنيش
الدنيا يابني مش جنه ، ولازم تعند مره معاك
بس انت اسعي وادعي ربك
وبكره الحلم هيتحقق ويكون سند وياك
ولما الحلم هيتحقق كل الناس هتسقف ليك
بس هقولك يابني "حكمة" اوعي في يوم
تغيب عن عنيك ...
خليك ماشي في طريق الخير
وابعد دايما عن أذية الغير
وانسى همومك ، وانسى مشاكل
وابعد فترة عن حزنك
وادعي ربك في الصلاة بعد كل آذان
واسعي علشان الحلم هيعوضك
ويكونك جبر وخير ونجاة وامان
وسعتها الفرحة هيشاورو عليك
لما الحلم يتحقق كل الناس هيشوروا عليك
بقلم /بهيره عبدالجواد.
تيم /تراث.
عائلة /حياة
تعليقات
إرسال تعليق