الكاتبة: ‏مروة ‏مجدي

مبقتش قادرة أقرب ولا أبعد، أنا واقفة في النص، تايهة في طريق مليان بالخداع والكذب والخذلان، أنا اتحولت من طفلة كل طموحها تعيش بخير، لبنت ناضجة مينفعش تتصرف غلط، ومينفعش تعاتب حد، وكمان لازم تتحمل المسؤولية، وترسم الابتسامة على وشها؛ عشان محدش يحس بحزنها، أنا بقيت في عالم مخيف، دا أنا وبكل جبروت بقيت أضحك في وسط بكايا، وأقول ما هي مش أول مرة أبكي، أنا تايهه حقيقي في عالم مخيف، منتظرة شخص ياخدني من ايدي بعيد عن المتاهة دي، ولكن هل الشخص دا هييجي، ولا هيخذلني زي الجميع؟