ونجمة بعد كُل إمتحان
وتصقيفة عشان شاطر
وأكون قادر، أعمل كل شيء وحدي
أصبحت فعلًا وحدي
كان كُل خوفي من عصاية مُدرس
كان كُل همي!
أخلص السندويتشات
عشان مزعلش أمي
دلوقت!
دلوقت عايز أتخلص من غمي
وأودع الأحزان
وأنام بدون تفكير وقلقان
بقيت تعبان
والدنيا خصمتني
بقيت بَهتان
والوش أصبح مليان
بقع وهالات وتجاعيد
أنا نفسي أعيد
سنين فاتت
وأرجع لضحكة حقيقة
وأفضل خيالية
ماهي أحلام أطفال
ومَبقاش مُحتال
أنا مُحتال!
وبظهر إني مبسوط وماشي الحال
وقوي جدًا وإني عادي
مش فارقة ولا صُحبة ولا ماضي
أنا نفسي أرجع بالزمن
لو خطوتين
والراس عادي توجع
لو خبطتين
لكن مَحلمش
كُل الأحلام متحققتش
كأنها أوهام
مَكنش لازم الحلم بيها
في الأصل مش مكتوب ليها
نفسي أرجع لحُضن أبويا
وقت خوفي قبل ماأنام
ويضربني عشان كسلان
أعمل الواجب
لكوني كِبرت
أصبح فيّ حاجب
كِبرت على الزعل والعياط
أحزن بسُكات
أصبحت مُحاط
بِ غدر ونفوس مريضة
أتحول كُل شيء لفريضة
وكلمة واجب قبل أي كلام
كِبرت وعرفت
إن العِزوة أوهام
كِبرت على الفضفضة
وقولت "أهاا"
كِبرت وعرفت
إن الخداع مضمضة
بيستعملها كُل الناس
والكدب أساس
أنا نفسي أرجع بالزمن
وكُل البُكى ل أمي
عشان ضاع قلمي
بقى كل حلمي
يضيع ألمي
والقاف أتبدلت بألف
كِبرت وعرفت
إن مفيش حد دايم
حتى لو حَلِف
أنا نفسي أرجع لصُحبة إعدادي
مكنوش مجرد ماضي
إظهار الحب بينا مَكنش رُخص
والضِحكة مكنتش بخُبث
وبيتنا وبيتهم كان واحد
الحُب بينتهُم كان جاحد
بقيت عشريني!
وبهتان وشارد وتعبان
والوجع باين على عيني
"وأنا كُنت جميل، ولا فيا عليل، ولا للحُزن في حياتي سبيل"
ل أسماء خالد"الشِعر ثم الشِعر"💜
#بقيت_عِشريني🥺💜
#أهلًا_ببداية_اللعنة🚶♀️
عظمه اوي✨🔥💜💜💜💜💜💜💜
ردحذفرائعة ربنا يوافقك ياقلبى
ردحذفيا سمكة بجد مش عارفه اقول ايه علي العظمه دي بس بجد ابدعتي شابوووه ليكي استمري❤❤❤❤
ردحذفعظمه ربنا يوفقك يا حبيبتي عاش❤️❤️❤️❤️❤️🥰
ردحذفما شاء الله عليكي جميله جدا وربنا يوفقك يارب يا اجمل شاعرة ❤❤😗
ردحذف